Welina Mānoa Oli
Welina Mānoa ua ‘ike ‘ia
‘O Puahia lā i ka la‘i
Hāla‘i ia kula wehi lau o ke kupu
I ke kili nehe mai a ka wa‘ahila
E līhau mai ana i ka lau ōpu‘u
E līliko ana i ka ‘ehu kakahiaka
Akākā ku‘u maka kilohana lā i uka
He poli no ia ‘ōpū weuweu halelani
Halehale mai ana nā pali wehi i ka pala‘i
Mehe ‘ōnohi kau maka kau maila i luna
Ahelani ko luna, he honua ko lalo
He hi‘ikua, he hi‘ilei lā i ke aloha
Aloha Kānewai hoa i ke alo
Pu‘uhonua ho‘oheno ‘ūhai kūpuna
No comments:
Post a Comment